تفجير إجرامي/ مفيد نبزو

التفجير الإجرامي في عروس الغاب السقيلبية الشامخة مدينة الخير والمحبة والسلام

يا سقيلبية الرب يحميكي

دين المحبة والوفا فيك ِ

تفجير إجرام الوحوش الغادرة

مانال من طيبة أهاليك ِ

بعرف بأنك يا حنونة قادرة

تردي الظلم لو قارب عليكي

أنت بأرض الغاب لوحة نادرة

قلبك وفي وبيضا أياديكي

وللخير كنت دوم دوم مبادرة

غير الفضل مافي بمعانيكِ
يا سقيلبية والمعرفة غامرة

بالفكر مافي من يوازيكي

بيوتك علم بالأدب كلا عامرة

ليش البكي تيزور عينيكي .
مافي شعر مافي وعي ولا خاطرة

 يا نجمة الغاب ما أحلى لياليك ِ
معليش ضلي فوق شمعة صابرة

ما في حدا بهالكون يطفيكي
كل الغيوم السود فوقك عابرة

وأنت المطر قمح بأراضيك ِ .
والله الكفر فكرة جريمة سافرة

دم ودمار الموت يهديك ِ
يا سقيلبية يا نقية وطاهرة

كل العواصف ما بتحنيكي .