حمار ارهابي/ عصام ملكي

الحمار مش حمار.. الحمار ارهابي

يـــــا ها الدني في ناس أقـوالـُن

مش عم تجي عـا وزن أفعالن

ما بْيعرفو تشرين مــــن أيلول

بـْزِغـْر العقل بيكبّرو عيالــُـن

عندُن غلط بالتسميه عـا طـُول

وتحت الأرض بتضلّ أحـوالن

إنـُّو  النمر مخْلص ما فينا نقول

فينا النمور بينشغل بالن

إسمن عا كسمُن والفهد مشغول

بأكل البشر للأكل مـــــــا زالـن

وأمر  الدياب كْمان مش مجهول

عالم مــــا بدهُــن يقشعو قبالـُن

عا أصول بدنا التسميه عا أصول

كتار البيقولو عمامُن خـــْـــوالن

يقولو الاسد إنـُّو اسد مـــقــبـول

لحمار لا يقولو بقا يــــا حمار 

يْقولــــــــو لَهل بيفَجّرو حـالـُن