 |
| الحمار مش حمار.. الحمار ارهابي |
مش عم تجي عـا وزن أفعالن
ما بْيعرفو تشرين مــــن أيلول
بـْزِغـْر العقل بيكبّرو عيالــُـن
عندُن غلط بالتسميه عـا طـُول
وتحت الأرض بتضلّ أحـوالن
إنـُّو النمر مخْلص ما فينا نقول
فينا النمور بينشغل بالن
إسمن عا كسمُن والفهد مشغول
بأكل البشر للأكل مـــــــا زالـن
وأمر الدياب كْمان مش مجهول
عالم مــــا بدهُــن يقشعو قبالـُن
عا أصول بدنا التسميه عا أصول
كتار البيقولو عمامُن خـــْـــوالن
يقولو الاسد إنـُّو اسد مـــقــبـول
لحمار لا يقولو بقا يــــا حمار
يْقولــــــــو لَهل بيفَجّرو حـالـُن
يا شربل بعيني عا جنح الهينمات
ردحذفكلما نظمت بيوت ببعتلك بيوت
عصام هوّي وعم يغني كان مات
وتخمين إلاّ هيك مش حابب يموت
يا جورج صعب يموت هالعمّر بيوت
ردحذفبعمرك شفت شاعر ذكي بهالكون مات
عصام ملكي الشعر مش ممكن يموت
متل الحلم طاير ع جنح المكرمات
يا شربل ويا جـــــورج بالإيمان
ردحذفوحياتكم عَا قلوبكم عــــــم فـُوت
لا تحسّبوني بمُوت كيف ما كان
إلاّ عليكم بالدني مـــــــا بْمُـوت
يا شربل وبا جورج عنكن بالغنى
ردحذفما بقول مين المتلكن بالكون مين
عصام عم بيموت عا رفاقو وأنا
عم موت تا إقشع جماعه مخلصين
الارهاب عنا ما الو دبار
ردحذفوعصام عنو قايل كفاية
ان كان زلمي راح تقولو حمار
ودبه اذا بيكون انثيي
حمار اللابط خيّالو
ردحذفوهارب من دون جلالو
ان طلعت جوره محفوره
وشافا بالدرب قبالو
بيحيّد عن هالجوره
وبيبعّد عنها مجالو
ولو عطيوه المعموره
وأكتر.. ما بيقتل حالو
يا عصام باستمرار
ردحذفالهاشم بيقول بردّو
هل بيفجّر حالو حمار
والبيشد على مشدّو
يا بن الملكي حبّك صار
ردحذفعنّا عباده برسمالو
كتير عليه نقول حمار
هللي بيفجر حالو