الفــــراق/ رضا محمد السيد
فراقك غصــــــب عنى
لكن خلاص مش راجع
عشان حاســـــــس إنى
معاكى بزيد مــــــواجع .
فراقك صـــــعب عليا
وبحاول أنسىَ وأخبى
لكــــن فضحانى عينيا
والحزن مـــــالى قلبى
وكنت أعـــــــــز ماليا
وأتمنى تفـضلى جنبى
لكنه مش بإدــــــــــيا
ذنبك ومـــاكنش ذنبى
حبيبى كنت الـدوا
وقلبى صبح عليل
زى الميه والهوا
والقلب ليكِ بيميل
كان نفسى نفضل سوا
لكن دا مستحــــــــيل .
هـــــــان عليكى تخونينى
وأنا كنت مخلص فى حبك
ولــــــــــو كنتى كرهتينى
قوليلى وأنــــا كنت سبتك .
مش ممكن تانى أرجعلك
وكمـــان عايزك تنسينى
ومــاعدش يهمنى زعلك
ولا عايزك يوم تيجينى
عشان بالغالى إشتريتك
وبالرخيــــــــص بعتينى .
