خواطر واحلام/ سركيس كرم

عندما نتطوع بكل محبة وفرح لعمل الخير ،
يمنحنا الرب المزيد من المحبة والفرح والرضى.
*****                         
من لا يريد التقدم.. لا يرى سوى الصور القاتمة.
من لا يريد الانفتاح.. لا يرى سوى الابواب المغلقة.
من لا يعرف الموضوعية.. لا يستطيع ان يري الايجابيات في أي عمل.
من لا يعرف التواضع.. لا يعرف السمو الحقيقي.
من يفتقر الى الشفافية.. لا يقدر على ان يثق بالغير.
من لا يريد ان يساهم بعمل الخير.. يحاول التعرض لمصداقية الاخرين.
ومن لا يريد التواصل مع أخوه الانسان.. يصطدم على الدوام بأبسط العوائق.
*****                                     
ويل لأمة يسود فيها نهج الألغاء.. ألغاء الفكر الخلاق وحرية المعتقد وأنسانية الانسان.
ويل لأمة يحكمها الحقد الأعمى المتعطش الى تطبيق كافة أنواع الممارسات الكيدية والألغائية فكرياً ومعنوياً وجسدياً.
*****                                     
يقول ألفونسو كار "بعض الناس يشكون دوماً من وجود الأشواك في شتل الورد، أما انا فمسرور لأن الاشواك تزينها الورود".
*****
يقول زياد الرحباني "قوم فوت نام وصير حلام أنو بلدنا صارت بلد"..
*****
ونحنا منقول: عم نحلمك يا حلم يا لبنان من دون طائفيي ومذهبيي وآذارييي وزعامات و تصاريح سياسيي.
بس وعينا من الحلم.. شفنا لبنان معجوق بخلافات السياسيي المسيحيي ع قانون الانتخاب .. رجعنا نمنا حتى ما يضيع الحلم.
عن جد... تصوروا لبنان من دون طائفيي ومذهبيي وآذارييي وزعامات و تصاريح سياسيي: رواق وأزدهار وشغل وسياحة .. والأهم من كل شي ما في حدا يقول للناس ع شو لازم يختلفوا وكرمال شو...وأيمتى لازم يتناحرو ويرجعوا بعدين يتصالحوا ...وأنو أذا وصل فلان او علتان ع الكرسي رح ينعم الناس يللي أنتخبوه بحقوقهم ورح يعيشوا أحلى عيشي.. مع العلم أنو الشعب اللبناني بغالبيتو وبغض النظر عن الأنتماء الطائفي والمذهبي والخط السياسي بعاني من ذات الويلات... وبعدو ل حد اليوم ناطر الفرج..
*****
كل ما نذكر اسم "اهدن" وين ما كان بالدني.. . تلقائياً عيون القائل وعيون السامعين بتتطلع لفوق.
*****
يللي هونيك بدهن يكونو هون ... ويللي هون بدهن يكونو هونيك... وبين هونيك وهون وحدو الرب بيختصر المسافات.