ابتسمي يا حياتي الإبتسامه
علامه للمحبه والسلامه
وحتى من القلب تبقي قريبه
عن شفافك لا تمحي هالعلامه
البسمه سر ع شفاف الحبيبه
أنا شبّهتها بزهر الخزامه
شذاها بلسم جروحي الكئيبه
وطلاها بلون جنحين الحمامه
افلشي ع سطح هالدنيا العجيبه
حلى البسمات وكنوز الشهامه
الحياة همومها كتيره ورهيبه
من أعمارنا بتاخد غرامه
وشو بتفيدني نظرة حبيبي
إذا ما سبقت البسمه كلامي
تعي ع مروج أحلامي الخصيبه
وفيها تمتّعي بمسرح هيامي
بدها تضل بعيوني غريبه
وما إلها مطرح بقصّة غرامي
ليالي العمر عن تركض هريبه
إذا إهمال رح بتضيّعيها
ما بتردها سنين الندامه
.jpg)
0 comments:
إرسال تعليق