رباعيات 4/ رضا محمد السيد

كان نفسى يا مبارك تكــــــون رئيس عفيف
تحس بالناس الفقرا وتوفرلهـــــــــم رغيف
ولو كنت عايز تسرق ،  إسرق عـلى خفيف
وأديك طلعت حرامى ، وحرامى مش نضيف

خلاص أنا مَليت وع الصبرمش قـــــــــادر
ويــــا ريتنى ما حبيت دا الحب صبح  نادر
والحب صــــــــبح مصالح كسوق  أو شادر
والصاحب ما عدش صاحب بقى خاين وغادر

يا إللى أنت عايش فى هم وليلك زى النهار
وحريتك إتقيدت ما بين أربع  أســـــــــــوار
وما فكرتش فى أخرتك جنـــــــــــــة ولا نار
إمتى بقى هتوب دا ربك رحــــيم غفـــــــــار

إيه إللى حصـــل فى الدنيا ليه كل شىء إتغير
لا صــغير بيحترم كبير ولا كبير بيرحم صغير
والناس ما باقتش ناس كلهم صبحوا وحوش
يا ناس حـــد يفهمنى دنا عقلى خلاص إتحير