لا يختلف اثنيين على كلمة أتحاد المصريين كفكرهولايختلف أثنيين عن أن أتحاد المصريين شئ مطلوب بالعقل وبالأصول
ولايختلف أثنين أن يكون أتحاد المصريين مظله تجمع كل المحبيين من المصريين
ولا يختلف أثنيين الى ماوصل اليه الحال بالأتحاد الحزين
نعم كان حلم وطار وربك هو الستار
ولكن تعالو نشوف ونعرف مشاكل ألأتحاد بعد وضعه على الرفوف
ألأتحاد فى البدايه كان الكل عليه ملهوف
ومع مرور الوقت ألأتحاد أصبح أمام الكل مكشوف
ولم يعد له بيين الجاليه مكان او حتى حد عليه ملهوف
أتحاد بلا أهداف والبعض على المناصب دايما ملهوف
نجيب من ألأخر .. علشان نشيل البرقع ويروح الكسوف
ألأتحاد الأن ليس سوى مكان كل من فيه مجرد ياعينى ضيوف
بعد أن تم تفريغه من أهدافه وأصبح ذهابه غير مأسوف
منصب الرئيس هو هدف لكل واحد عايز يكون للجاليه موصوف
أصله مجرد لقب بيحمله شخص يمكن يكون منحوس
وعن طريق اللقب يمشى وهو منفوش
وفى المناسبات يقول أنا رئيس أتحاد المصريين بالنمسا وهو مش مكسوف
بمعنى أنه منصب بلا حقيبه أو أهداف ولكن مجرد شئ لصاحبه فقط محسوس
يتباهى بيه رغم أنه لفكرة ألأتحاد أصلا ماعندوش
أتحادنا كان عكس أسمه وكان للجاليه عنوان مخزى والكل له مكسوف
حتى أثناء الثوره فى مصر صوته ماسمعتوش
ولما أتكلم وأصدر بيان كان البيرسول عليه مرشوش
وكانت ريحته تسد الأنوف وتغمى العيون وبجد كان مرووش
وأصبح الكل مقتنع أن هدفه كان للتوريث فى مصر موصوف
ووقت اللزوم يطلع بيان ويقول نشجب وندين ونؤيد ونبارك وشغل حلق حوش
بمعنى أنه مكتب لحزب العار والخراب فى مصر قبل ثورة الوحوش
وبعد الثوره أصبح لكل الجاليه مكشوف
فهل تصدق أن مصر بكل ماتعانيه من مشاكل والفقر فيها محسوس
مصر تدفع من دم ولادها مبلغ مئة الف جنيه تبرع لأتحاد المصريين بالنمسا ليثبتو أنه أتحاد مغشوش
وأن له أهداف ليس لها علاقه بالجاليه وأنه مجرد شئ موصوف
ألأتحاد حتى ألأن لم يفعل لأبناء الجاليه أى شئ محسوس
منذ البدايه كان عفريت وخرج من علبته وريشه على الجاليه منفوش
وقطع الجاليه وفرقها والفرقه والخصام بسببه أصبحت شئ معروف
والأن بيستقيل مجلس اداره بعد ما أصبح الأتحاد للكل مكشوف
وسوف يعلن عن أنتخابات لشئ أسمه أتحاد لأى دور مالهوش
وسوف يتصارع على المنصب كل من يريد لقب لعنوان مالهوش
وينجح رئيس جديد ويتحدث بأسم جاليه هى اصلا ماتعرفهوش
بعض المقاهى والنوادى فى فيينا أعضاءها أكثر من الموكوس
فهل يحق لهذه المقاهى ان تتحدث بأسم الجاليه ونحن زى الهموش؟
أعتقد أنه حان ألأوان ليكون للجاليه موقف من ألأتحاد المنحوس
بمعنى أن يرفض الجميع أن يتحدث بأسمنا أتحاد مانعرفهوش
فهو أتحاد فى ألأصل تم بناءه وكان الكل فيه مغشوش
ألأتحاد طالب ألأن رئيس ومجلس أداره جديد وطريقه بالفعل ميئوس
وكالمعتاد هينزل ألأنتخابات ناس وربك رب قلوب
فيهم الصالح وفيهم الطالب لمنصب شايفهه له مكتوب
الجاليه عايزه مكان كبير تتجمع فيه وليس مكان النفس فيه مكتوم
مكان للرياضه وايضا نسمع فيه شاكيرا والست ام كلثوم
مكان يعبر عن حجم جاليه بالعقل وبالأصول
مكان تجلس فيه وتاكل طبق فول وجنينه تجرى فيها خيول
سمعت كثيير أن ألأتحاد علشان ألأجيال القادمه
وحتى ألأن لا أعرف كيف يكون للشباب وهو مجرد حيطه وباب
ياساده الشباب عايز أنطلاق ورياضه وليس شقه وثلاجه
سيبنا من الضحك على الذقون وكلام وغسيل الهدوم
أتحاد المصريين اذا لم يولد عملاق سوف يكون مصيره ألأغلاق
لأن الجاليه عندها النوادى والمقاهى كثيير وأكثر من العصافير
ولذالك وعلشان ينجح الأتحاد لازم يكون مولود كبير
مكان يجمع أولادك وأولادى ومكان للسيدات يكله فيه زبادى
ومكان للرجال يشوو فيه وكأنهم عند الحاتى
ومكان لعواجيز الجاليه المسنيين أصحاب الرصيد الكبير
سامع واحد بيقول نبدأ خطوه خطوه ونكبر بطاسة الخضه
وردى عليه كان غيرك أشطر وقول ليه وخد منى ربع جنيه؟
لأن ده كلام والكل عارف أنها مجرد أحلام طول مافيه بط وخرفان
وأن أتحاد المصريين مجرد فكره جميله وسوف تظل فى الأحلام
واضح أنى نكدت على حضراتكم وانا ما يخلصنيش
وقبل ما أقول خلاويص
أترك حضراتكم مع أخر نكت على الفيس.
في طره لاند ومن عالباب...
العادلي يقابلك بالترحاب...
وجوه تلاقي جرانة معاك...
وعز برضه بيستناك
وجيمي حبوب وكله ألاطة ..
..........ماهو..خلى بلدنا على البلاطة...
-------------------
هذا أعلان ظهر على التليفزيون وهو بيقول
طره لاند بيت مبارك الكبير...
تعالى وزوره هناك كتير
طره لاند: ليه تسرق مره لما ممكن تسرق مليووووووووووون مرة
*********
على طريقة فيلم العار
جمال مبارك في حالة هيسترية، يمسك بالكلابشات ويلوح بها ويصيح: شقا عمري .. شقا عمري ضاع .. شقا عمري .. لأ ا ا ا اه
زكريا عزمي: مش عيب ابن الرئيس مبارك مايعرفش أصول التخزين
فتحي سرور: التخزين كان من اختصاص الشاذلي وأمن الدولة
زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة
جمال مبارك: والعمل يازكريا؟
زكريا: يعوض عليك ربنا
و الملاحة الملاااحة
***********
كــل الـدول عـندهـم رئيـس سـابق ,,, واحنـا عندنـا رئيـس سـوابـق :d
***********
قائمة اسعار كانتين سجن طرة :
بيبسى, كولا , فانتا ........ 4 مليون
علبة سجائر كليوباترا ...... 2 مليون
علبة سجائر سوبر .... 3 مليون
كوب شاي ........... 1,5 مليون
علبة تونا .......... مليار و نصف
علبة بلوبيف ......... 3 مليار
لا نقبل الشكك او الفيزا،
********
جيمي يغني ف السجن ويقول
...احلف بسماها وبترابها...ما حد حبسني الا شبابها
ثم رد حسحس وقال.
. في كل شارع في بلادي الشعب بيشتم فيا و في ولادي
*********
نظيف يطرح علي مبارك
مشروع الزنزانه الذكيه بالسجن
**********
عاجل
: مظاهرات و اعتصامات داخل سجن طرة للمطالبة برحيل مبارك
و المساجين يهتفون: غوروا غوروا انت و هو ، ، ، انتوا ورانا بره و جو
**********
حبيبي يااا فتحي ... يا حر زي الطيــــر
تعالى لعمو حسني ... في السجن جنبه سرير
...السجن ده سجننا
و الحبس من حقنـــا
ايـــه اللي يمنع فتحي انه يعيش وسطنا
___________
مع الاعتذار لمدحت صالح
بورتو طره .....زنزانه عالميه على ارض مصريه
***********
ردا على خطاب الرئيس المخلوع
بدل ياريس متتعب نفسك وتسجلنا صوت
أنا بقول نجيلك شرم الجمعة الجاية وندردش مع بعض على البيسين
,,,
متخليش سوزى تطبخ أحنا هنجيب كنتاكي معانا
***********
فريق سجن طره
في حراسة المرمي : أحمد نظيف
في خط الدفاع كلاً من: حبيب العادلي – زهير جرانه – أحمد المغربي – أنس الفقي
في خط الوسط كلاً من: أحمد عز – زكريا عزمي – محمد إبراهيم سليمان
في خط الهجوم: علي شكل مثلث مقلوب قاعدته صفوت الشريف وفي إنتظار رأسي الحربة جمال مبارك – وفتحي سرور.
...المدير الفني : محمد حسني مبارك
************
عااااااااااجل : أنباء عن إستيلاء زكريا عزمي على خمس زنازين فى بورتو طرة على مساحه 90 متر في العنبر الخامس بتسهيلات من المغربى وفى حماية العادلى
************
نبأ عاجل..سوزان مبارك تشترى حصه فى
الرشيدى الميزان للبدء فى تجهيزات ساندوتشات حلاوه للاولاد
بقول كفايه علشان المره الجايه
.jpg)
0 comments:
إرسال تعليق